夾錢裝修 ︳細佬想裝修公屋 哥哥拒夾錢兄弟反面：我住多1年就搬出去

錢銀問題易令家人起爭執。一名與弟弟同住公屋的港男發文訴說，指弟弟嫌住所殘舊，希望兩兄弟夾錢裝修住所、更換家具，然而事主正計劃買樓、結婚，預料1年多後便會搬出去住，拒絕夾錢引致兄弟反目。

同場加映：

管家王 ︳年整過千部直立式吸塵機 維修專家拆解4大故障原因

{{hket:ul-video id="7032"}}{{/hket:ul-video}}

公屋裝修︳買400呎公屋只要$20萬，屋主欲花$40萬大翻新：仲貴過買嘅價錢，詳情即睇：【下一頁】

一名男網民本周二（27日）在網上討論區「連登」中發帖，表示自己與弟弟租住樓齡30年公屋，住所10年前曾裝修廁所和廚房。最近弟弟形容「住得唔舒服」，欲裝修、髹油和更換傢俬，包括梳化、電視櫃和床，希望跟事主分擔費用。

兩兄弟為裝修公屋反面

然而事主打算買樓、結婚，預料2024年便會跟女友搬出去住，而他要負責其中7成首期，故認為「住多1年就搬出去住仲裝咩修」，但弟弟就覺得多住1年「都係時間」、「早畀錢裝修就早享受」，兩兄弟為此大吵一頓，

「公屋裝修畀唔畀錢好？而家傾到鬧晒交，但裝修幾皮嘢點都走唔甩，我畀50%都幾肉赤。咁係唔貴， 但唔值得畀。佢就係想換傢俬，但傢俬先最貴，我畀細份都有得諗。」

他表示兩兄弟都有經濟能力，弟弟未有女友，相信短期內不會結婚。由於自己搬走後，弟弟可能成為「寛敞戶」，屆時可能會被要求搬遷或交雙倍租金。對此，弟弟曾著他買樓後落女友名，便毋須除去公屋戶籍，令他深感無奈，

「佢叫我買層樓落我女朋友名，咁我咪唔使除名，我心諗......我都唔知，但房署要check應該好易，特別係我諗住同女友結婚。」

網民：少少錢算啦 VS 租嘅公屋裝乜修？

有網民看到帖文後，認為兩兄弟始終是一家人，無謂因錢傷感情，事主作為哥哥亦理應分擔費用。但有網民則指既然事主都決定搬出去住，加上單位只是租住，認為無必要花錢裝修，亦有人建議他付「細份」。

↓ 點 擊 圖 片 放 大 ↓

還原公屋 ︳大裝公屋改廚廁木門憂退租要畀錢還原，拆解房署代還原每項收費【附詳細列表】，詳情即睇：【下一頁】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

每朝索取《晴報》：精明生活．健康家庭．開心娛樂